F.C.REAL BRISTOL足球繼續熱

作者:ohn 發表日期:2017-06-04 19:03:02

今年唔係世界盃年,但資深的球迷都應該知道六月中仲有國際足協洲際國家盃上演,要睇C朗同山齊士的雄姿,的確不愁無機會,而作為球迷嘅除了可以着番件正規落場版波衫撐場外,想潮啲嘅買由SOPHNET.品牌主腦清永浩文主理的F.C.REAL BRISTOL也是不錯選擇,今季已不知不覺地推出到第37季,比阿仙奴連續攞到歐聯參賽資格嘅次數仲要多,其長做長有嘅長度真係同雲加有得揮!

為表現出足球乃是一項長壽運動,品牌每季的設計風格差落向來不會大,第37季繼續以星星及迷彩元素作為主打,單品包括Tee、Check shirt及外套等都或前或後地印上整齊的星星圖案或「BRISTOL」字樣以作紀念,留意星星的數量是很有寓意的,就以星星Tee款為例,胸前的一堆星星其實剛好就有37粒,以象徵今季是品牌的第37個季度咁解。

但當然外貌變化就並不是等如F.C.REAL BRISTOL一成不變,只因變化在深度裏,新季所推出為足球訓練而設的風褸、耐熱褲、上衣及短褲,皆備有高技術性透氣效能,型格得來又十分實用,再配備各類帽子及摺椅、水杯、暖水壺以至是沖涼用膠小鴨等等,不知不覺原來F.C.REAL BRISTOL已經是一個如斯貼地又入屋的品牌,日本人就喺咁鬼體貼的。


本文來源:http://hk.on.cc/hk/bkn/cnt/lifestyle/20170604/bkn-20170604150137597-0604_00982_001.html




Tag:
本文鏈接:http://www.hosepvc.com/13737.html