政情:選舉落敗平常心 何君堯大耍八段錦

作者:Camille 發表日期:2017-06-02 15:35:28

喺剛過去嘅律師會理事會選舉中落敗嘅律師會前會長兼立法會議員何君堯,尋日出席廣西社團總會一個活動時,睇落心情似乎冇受影響,仲大耍八段錦添!

何君堯大耍八段錦,話要保養對腳。(梁家寶攝)
何君堯大耍八段錦,話要保養對腳。(梁家寶攝)

笑稱驚身體唔好會跣親

何君堯話,細個嘅時候操過兩嘢,由記憶中抽番出嚟,爸爸安排啲老師,教佢寫大字同八段錦,但係兩樣都半桶水,男人五十歲後,腿就會弱一啲,練嚇就好啲,身體唔好就腳浮浮,跣一跣、步履不穩「就好大鑊」,所以年紀大咗就要保養好牙齒同腳,又話呢樣都可以套用喺政治上。 佢又提起律師會理事會選舉,泛民多年來都唔會觸及專業組織嘅選舉,今次政治影響專業,事件或多或少存在隱憂,又指自己喺律師會服務超過廿年,一直堅持專業同政治分清楚,亦唔想被指當選立法會議員後就放棄律師會工作,若開宗明義同佢講清楚,話佢做咗立法會議員同區議員,可唔可以讓出理事會位置畀新血,其實佢係接受嘅。 對於執業律師任建峰指今次當選者有唔同政治理念,但仍以專業為主,何君堯話「但願如此」,認為任建峰喺選舉過程中相當高調發表言論,「路人之心皆見」,並非專業問題。 佢又話冇乜時間打電話拉票,依家會以平常心麵對事件,未來會喺唔同崗位繼續服務律師會。

原文地址:http://orientaldaily.on.cc/cnt/news/20170529/00176_084.html

 



Tag:
本文鏈接:http://www.hosepvc.com/10846.html